Татарстанда кабат яшенле яңгыр һәм көчле җил көтелә
Скопировать ссылку
Иртәгә, 31 майда, Татарстанда кабат һава шартларының начарлануы көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Төнлә республикада урыны белән томан төшәчәк. Көндез төбәк территориясендә, Казанны да кертеп, яшенле яңгыр яварга, җилнең тизлеге секундына 15-20 метрга кадәр җитәргә мөмкин.
Кичә Татарстан синоптиклары шундый ук кисәтү тараткан иде. Шул ук вакытта, метеорологлар җәйнең беренче көнендә яңгыр явачак һәм температура +29 градуска кадәр күтәреләчәк дип фаразлый.