Татарстанда кабат яңгыр, боз һәм көчле җил көтелә
Скопировать ссылку
24 апрельдә Татарстанда кыска вакытлы яңгырлар көтелә. Урыны белән яшен һәм боз булырга мөмкин, дип кисәттеләр республиканың Гидрометүзәгендә.
Көчле җил булачак. Аның тизлеге секундына 15-20 метрга, төнлә секундына 24 метрга кадәр җитәргә мөмкин.
Көннең караңгы вакытында һава температурасы 7-12 градус тәшкил итәчәк, көндез 15-20 градус булачак.