Татарстанда кабат томан һәм бозлавык көтелә
Скопировать ссылку
Иртәгә, 18 октябрьдә, Татарстанда кабат һава шартлары начараю көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Республикада, шул исәптән Казанда төнге һәм иртәнге сәгатьләрдә урыны белән кабат томан төшәчәк. Моннан тыш, юлларның аерым участокларында бозлавык барлыкка килергә мөмкин.
Шул ук вакытта, төнлә төбәкнең кайбер урыннарында, ТР башкаласыннан тыш, бераз яңгыр һәм җепшек кар ява. Һава температурасы -3..+2 градус (көньякта һәм көнчыгышта урыны белән -6 градуска кадәр) тәшкил итәчәк.