Җәмгыять 23 декабрь 2004 12:02

Татарстанда көзге чакырылыш тәмамлана

Скопировать ссылку

(Казан, 23 декабрь, "Татар-информ", Ирина Пашкеева). Татарстан хәрби комиссариатының мораль-психологик һәм мәгълүмат эшләре бүлеге башлыгы Дмитрий Литвинов "Татар-информ" агентлыгына хәбәр итүенчә, республика гражданнарын хәрби хезмәткә көзге чакыру планы 80 проценттан артыкка үтәлгән.

Яңа хәрби хезмәткә алынучыларны хезмәт итү урыннарына көн саен җибәрәләр. Татарстаннан чакырылучыларның зур партиясе 25 декабрьдә китәчәк. Тимер юл эшелоны составында Ерак Көнчыгышка 300гә якын кеше барачак. Егетләргә җыелу пунктында кышкы хәрби кием бирелә, юлда җылы азык белән тәэмин итәләр.

Искә төшереп үтәбез, көзге чакырылыш 1 октябрьдә башланды һәм 31 декабрьдә тәмамланачак. Хәрби хезмәткә 5 мең татарстанлы җибәрелергә тиеш.

Сәхифәләр

Татарстанда көзге чакырылыш тәмамлана