Җәмгыять 19 ноябрь 2017 15:43

Татарстанда көндезге 12гә референдумда катнашучылар саны 36 процент тәшкил иткән

Татарстанда үзара салым мәсьәләләре буенча тавыш бирү кичке 8гә кадәр дәвам итә, республикада барлыгы 1706 сайлау участогы эшли.

Скопировать ссылку

(Казан, 19 ноябрь, «Татар-информ», Диана Авакян). Татарстанда 12 сәгатькә үзара салым мәсьәләләре буенча референдумда катнашучылар саны уртача 36 процент тәшкил иткән. Бу хакта “Татар-информ” агентлыгына Татарстан Республикасы Үзәк сайлау комиссиясеннән хәбәр иттеләр.

Тавыш бирү барышын “Бердәм Россия”, “Яблоко”, “Парнас” һәм КПРФ партияләре вәкилләре күзәтә. Ульяновск, Самара, Волгоград өлкәләре, Пермь крае, Мордовия, Чуваш республикаларыннан да күзәтүчеләр килде.

Шунысын да искәртик: бүген 43 муниципаль берәмлеккә караган 852 авыл һәм 20 шәһәр җирлегендә үзара салым буенча референдумнар уза.

Программа 2013 елда старт алды. Шул вакыттан бирле 1 сумга 4 сум исәбеннән 2,8 миллиард сумнан артык акча җыелган. Әлеге акчалар җирлектәге мөһим проблемаларны хәл итүгә юнәлдерелгән.

#референдум #салым #"Бердәм Россия"

Сәхифәләр

Татарстанда көндезге 12гә референдумда катнашучылар саны 36 процент тәшкил иткән