Татарстанда көнчелектән көндәшенең машинасын яндырган ир шартлы рәвештә хөкем ителгән
Зыянның күләме 437 мең сум тәшкил иткән.
(Казан, 22 декабрь, «Татар-информ»). Татарстанда көнчелектән көндәшенең машинасына ут төрткән ир-атны шартлы рәвештә хөкем иткәннәр. Бу хакта «Татар-информ» агентлыгына ТР прокурорының өлкән ярдәмчесе Руслан Галиев хәбәр итте.
Судта ачыкланганча, 11 майга каршы төндә Чистайда яшәүче 43 яшьлек ир-ат исерек баштан танышының автомобиленә ут төрткән. Аны бу адымга хатыныннан көнләшүе этәргән.
Нәтиҗәдә, машина тулысынча янып беткән. Зыянның күләме 437 мең сум тәшкил иткән.
Ир-атны «Ут төртү ярдәмендә чит кешенең милкен белә торып юк итү» маддәсе буенча гаепле дип тапканнар һәм бер елга шартлы рәвештә ирегеннән мәхрүм иткәннәр.