Татарстанда көнбагыш төягән йөк машинасы әйләнеп капланган - фото
Һәлакәт нәтиҗәсендә зыян күрүчеләр юк.
Скопировать ссылку
(Казан, 8 ноябрь, «Татар-информ»). Татарстанның Нурлат районында йөк машинасы катнашында юл һәлакәте булган, дип хәбәр итә Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәте.
7 ноябрьдә көндезге 2ләрдә Самара өлкәсеннән Казан юнәлешендә хәрәкәт итүче «Вольво» йөк машинасының 55 яшьлек йөртүчесе идарәне югалтып кюветка очкан һәм әйләнеп капланган. Һәлакәт нәтиҗәсендә зыян күрүчеләр юк. Йөк машинасы 20 тонна көнбагыш төягән булган.
