Татарстанда күчмә медицина комплексларында 18 меңгә якын кеше тикшерелгән
«2020 ел дәвамында републиканың барлык районнарына бару ниятләнә», — диде министр.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 24 гыйнвар, «Татар-информ», Гөлнар Гарифуллина). Татарстанда күчмә медицина комплекслары эше нәтиҗәсендә, 18 районнан авылларда яшәүче 18 меңгә якын кеше тикшерелгән. Бу хакта йомгаклау коллегиясе утырышында Татарстанның сәламәтлек саклау министры Марат Садыйков әйтте.
740 кеше төрле дәрәҗәдәге стационарларга госпитализацияләнгән. Мобиль комплексларда тикшерелгән 646 кешедә беренче тапкыр чир ачыкланган. Җиде мең кешегә өстәмә тикшеренү киңәш ителгән.
«2020 ел дәвамында републиканың барлык районнарына бару ниятләнә», — диде министр.
Диспансеризация барышында былтыр республикада барлыгы 2 млн га якын кеше тикшерелгән. 60 меңнән артык авыру ачыкланган.