Татарстанда көчле җил һәм бозлавык булачак
Якшәмбе көнне урыны белән юеш кар, яңгыр булуы ихтимал.
Скопировать ссылку
(Казан, 13 апрель, "Татар-информ"). Иртәгә, 14 апрельдә, Татарстанда төнлә һәм көндез көчле җил һәм бозлавык булачак дип фаразлана. Бу турыда Татарстан Гидрометеорология үзәге хәбәр итте.
Төньяк-көнчыгыштан искән җил тизлеге урыны белән 17 м/с ка җитәргә мөмкин. Казанда җил тизлеге 15 м/с ка җитүе ихтимал.
Төнлә һәм иртәнге сәгатьләрдә республика юлларында бозлавык хасил булырга мөмкин.
Татарстан синоптиклары фаразы буенча, якшәмбе көнне урыны белән юеш кар, яңгыр булуы ихтимал. Көндез явым-төшем көтелми.
Төнге сәгатьләрдә термометр баганалары -3 градуска кадәр төшәчәк. Көндез исә 3-8 градус җылы булыр дип көтелә.