Татарстанда июль ахыры нормадан дүрт градуска эссерәк булачак
Скопировать ссылку
Татарстанда июльнең өченче декадасында һаваның уртача температурасы климат нормасыннан дүрт градуска югарырак булачак. Бу хакта ТР Гидрометеорология үзәге хәбәр итә.
Тулаем республика өчен климат нормасы 21 июльдән 30 июльгә кадәр +20,3 градуска, ә Казан өчен +20,9 градуска тигез. Шулай итеп, уртача температура + 24,3 һәм +24,9 градус тәшкил итәчәк.
Узган ункөнлектә төбәктә салкынча һава хакимлек итте. Шуңа күрә, синоптиклар җәйнең икенче ае гадәттәгедән җылырак, ләкин ярты градуска гына булыр дип фаразлаган.