news_header_top_970_100
news_header_bot_970_100

Татарстанда июль-август айларында эчке эшләр органнарына 800 корал тапшырылган

Татарстанда июль-август айларында эчке эшләр органнарына 800 корал тапшырылган

(Казан, 17 август, «Татар-информ», Наталья Рыбакова). Татарстанлылар агымдагы елның июль-август айларында эчке эшләр органнарына вакытлыча саклауга 800 корал тапшырган. Бу хакта бүген ТР Эчке эшләр министрлыгының лицензия-рөхсәт бирү эшләрен оештыру, шәхси детектив һәм саклау эшчәнлеген контрольдә тоту бүлеге башлыгы Илдус Хәлилов хәбәр итте.

Аның сүзләренчә, республикада яшәүчеләр тарафыннан эчке эшләр органнарына вакытлыча саклауга корал тапшыручылар саны ел саен арта. Коралларны ешрак җәйге яллар вакытында тапшыралар. Мисал өчен, күптән түгел Казанның Идел буе районында яшәүче ау коралын тапшырган, берничә көннән аның фатирын талаганнар. Бу кораллар ТР Эчке эшләр министрлыгының складларында саклана. Бүген коралларны бушлай саклауга Казанда яшәүчеләр генә түгел, ә Татарстаның башка торак пункты кешеләре дә тапшыра ала. Моның өчен эчке эшләр органнарына мөрәҗәгать итеп, гариза язарга кирәк. Үзең белән шәхесне раслаучы һәм коралга рөхсәт документы булу зарур.

news_right_column_1_240_400
news_right_column_2_240_400
Медиаметрикс
news_bot_970_100