Җәмгыять 9 сентябрь 2018 09:13

Татарстанда җирле үзидарә органнары депутатларын өстәмә сайлаулар уза

Тавыш бирү 9 сентябрьдә 7.00 сәгатьтә башланып, 20.00 сәгатькә кадәр дәвам итәчәк.

Скопировать ссылку

(Казан, 9 сентябрь, «Татар-информ», Александр Елисеев). Татарстанда җирле үзидарә органнары депутатларын өстәмә сайлаулар уза – барлыгы 604 кандидат 246 мандатка дәгъва кыла. Тавыш бирү 7.00 сәгатьтә башланып, 20.00 сәгатькә кадәр дәвам итәчәк.

Республикада 275 участок (шуларның 35е – Казанда) һәм 52 территориаль комиссия эшли, Сарманнан тыш, Татарстанның барлык районнары да катнаша.

Сайлауларны оештыру эшенә хәлиткеч тавыш хокукына ия 2 меңнән артык участок сайлау комиссиясе әгъзасы җәлеп ителгән. Чарада 10 төбәк бүлеге тарафыннан тәкъдим ителгән һәм үзен-үзе күрсәтүче кандидатлар катнаша.

Барлык сайлау участокларында да «Сайлаулар» дәүләт автоматлаштырылган системасына тавыш бирү нәтиҗәләре турында участок сайлау комиссияләре беркетмәләре мәгълүматларын тизләтелгән кертү технологиясе кулланыла.

#җирле үзидарәгә депутаталар сайлау #сайлау

Сәхифәләр

Татарстанда җирле үзидарә органнары депутатларын өстәмә сайлаулар уза