Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда ир белән хатын һәм аларның нәни баласы ис газы белән агуланган
Гадәттән тыш хәл Суык-Чишмә авылындагы Үзәк урамда шәхси йортларның берсендә була.
(Казан, 10 февраль, «Татар-информ»). Төнлә Татарстанда ис газы белән агуланган кечкенә балалы гаиләне хастаханәгә салганнар.
«Татар-информ»га ТР буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр итүләренчә, төнлә икенче егерме минутта Зәй районының Суык-Чишмә авылындагы шәхси йортларның берсендә гаиләнең ис газы белән агулануы турында хәбәр килгән.
29 яшьлек ир-ат, аның 27 яшьлек хатыны һәм өч яшьлек баланы Зәй районы үзәк хастаханәсенә озатканнар. Аларның өчесенең дә хәле уртача авырлыкта.
Әлеге гаилә йортта морҗа бозлану аркасында табигый һава алмашы бозылуы сәбәпле агулануы ихтимал, диелә хәбәрдә.
Татарстан прокурорының өлкән ярдәмчесе Руслан Галиев хәбәр иткәнчә, Зәй прокуратурасы тикшерү башлаган.
Кызыклы яңалыкларны күзәтеп бару өчен Телеграм-каналга язылыгыз