news_header_top
16+
news_header_bot
news_top

Татарстанда ир-ат сүнмәгән тәмәке аркасында янып үлгән

Яшел Үзән районының Осиново бистәсендә күпкатлы йортта янгын чыккан. Янгын Спортивная урамындагы йортның 10 нчы катындагы фатирда булган.

«Татар-информ»га Россия Гадәттән тыш хәлләр министрлыгының ТР буенча Баш идарәсендә хәбәр итүләренчә, янгынны 3 квадрат метр чамасы мәйданда сүндергәннәр.

Янгын сүндерүчеләр 54 яшьлек ир‑атның мәетен тапкан. Якынча мәгълүматлар буенча, фаҗига тәмәке тартканда саксызлык аркасында чыккан.

news_right_1
news_right_2
news_bot