Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда Иосиф Кобзон истәлегенә патриотик ансамбль төзеләчәк
КФУның “УНИКС” базасында эшләп килүче “Родина” вокаль ансамбле нигезендә патриотик коллектив барлыкка киләчәк.
(Казан, 5 сентябрь, “Татар-информ”). Татарстанда СССР халык артисты Иосиф Кобзон истәлегенә Россиядә беренче яшьләр патриотик ансамбле барлыкка киләчәк. Аның нигезендә КФУның “УНИКС” базасында эшләп килүче “Родина” вокаль ансамбле торачак. Бу хакта ансамбль секретариаты хәбәр итә.
Бүгенге көндә “Родина” республика ансамбле Россия Мәдәният министрлыгы фаразлары буенча иң яхшы музыкаль патриотик проектларның берсе булып тора. Ансамбль берничә тапкыр халыкара һәм бөтенроссия бәйгеләре лауреаты булган.
Коллектив СССР халык артисты Иосиф Кобзонның “Яшьләрне музыкаль-патриотик рухта тәрбияләүгә керткән хезмәте өчен” дипломына ия. Ансамбль репертуарында 300дән артык патриотик әсәрләр, шул исәптән Кобзон репертуарыннан йөзләп җырлар бар. Мәшһүр артистның патриотик музыкаль мирасын ансамбль саклар, дип планлаштырыла.
Кастингка гариза - фото һәм видеоматериаллар, шулай ук үзең турында мәгълүматны magurt2015@mail.ru электрон адресына җибәрү сорала. Тулырак мәгълүмат коллективның “ВКонтакте”да рәсми паблигында урнаштырылган.
Кызыклы яңалыкларны күзәтеп бару өчен Телеграм-каналга язылыгыз