Татарстанда иномарка Башкортстан фурасы белән бәрелешкән
Юл-транспорт һәлакәте кичә кич Сарман районында килеп чыккан.
(Казан, 23 февраль, “Татар-информ”). Татарстанда Башкортстаннан килгән зур йөк машинасы белән бәрелешеп, “Тойота” машинасы нык зыян күргән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.
Юл-транспорт һәлакәте кичә кич Сарман - Азнакай юлында килеп чыккан. Шаһитлар 112 экстрен хезмәте номерына хәбәр иткән. Урынга 32нче янгын-сүндерү часте коткаручылары килгән.
Юл-транспорт һәлакәтендә ике кеше зыян күргән. Аларның берсе фураның 44 яшьлек йөртүчесе.
Бәрелгәннән соң, җиңел машинаның пассажир ягы нык зыян күргән. Башкортстан йөк машинасы юл кырыена төшеп киткән.
