Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда инде икенче атна рәттән бензин бәясе арта
Узган атнада, 15-22 августта, Татарстанда барлык маркадагы бензинның да бәясе күтәрелде. Бензин хакы җәйге тотрыклылыктан соң инде икенче тапкыр арта. Татарстанстат шул хакта мәгълүматлар урнаштырган.
Әйтик, АИ-92 һәм АИ-95 маркалы бензинның бәясе, күрсәтелгән чорда литры 2 тиенгә артып, 45,96 һәм 49,34 сумга, ә АИ-98 маркалы бензинның хакы 83 тиенгә күтәрелеп, 59,61 сумнан 60,44 сумга җиткән.
Шул ук вакытта, АИ-92 һәм АИ-95 маркалы бензинның бәясе хәзерге вакытта барыбер 2022 ел башындагыга караганда арзанрак. Әйтик, декабрь ахырында АИ-92 маркалы бензинның литры – 45,98, ә АИ-95 бензины 49,51 сум тора иде.
Күрсәтелгән чорда дизель ягулыгының бәясе элеккечә (литры – 52,41 сум) калган.
Шунысын да искәртик: экспертлар тиздән бензин бәясе арзанаячагын әйтә. Моны алар санкцияләр аркасында чит илләргә ягулык сатуда кыенлыклар барлыкка килү аркасында ил эчендә аның запасы күбәюгә бәйләп аңлата.
Кызыклы яңалыкларны күзәтеп бару өчен Телеграм-каналга язылыгыз