Татарстанда инде дүртенче тәүлек өеннән чыгып югалган кызны эзлиләр

Скопировать ссылку

Яшел Үзәндә инде дүртенче тәүлек 17 яшьлек кызны эзлиләр. «Лиза Алерт» эзтабарлар отрядының социаль челтәрдәге сәхифәсендә шул хакта мәгълүмат чыкты.

Кыз 24 апрельдә югалган. Шул вакыттан бирле аның кайда икәнлеге билгесез.

Кызның буе 180 сантиметр тирәсе, аксыл чәчле, зәңгәр күзле. Куе кызыл төстәге свитер, кара чалбар кигән, үзе белән кара рюкзак алган.