Татарстанда иң яхшы гаиләләр «Мәхәббәт һәм тугрылык өчен» медале белән бүләкләнәчәк
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Татарстанда иң яхшы гаиләләр «Мәхәббәт һәм тугрылык өчен» медале белән бүләкләнәчәк. Барлыгы 70 медаль тапшыру ниятләнә.
Бу хакта «Татар-информ» мәгълүмат агентлыгында матбугат очрашуында ТР Министрлар Кабинетының ЗАГС идарәсе башлыгы, «Нык гаилә» федераль проектының төбәк координаторы Эльвира Әхмәтова хәбәр итте.
«Район башлыклары иң яхшы гаилә династияләрен бүләкләячәк. Бу 25 елдан артык бергә гомер кичереп, балалар тәрбияләгән гаиләләр», - дип белдерде ул.
Гаилә, мәхәббәт һәм тугрылык көне уңаеннан 1-8 июль көннәрендә, шулай ук, Татарстанның 47 ЗАГС идарәсендә бергә 50, 60 һәм 70 ел яшәгән юбиляр гаиләләрне дә кабул итәчәкләр.
«Тантаналы чаралар балалар, оныклар катнашында узачак. Шулай ук, бу атнада дөньяга килгән балаларга туу турында таныклыклар тантаналы төстә тапшырылачак», - дип әйтте Эльвира Әхмәтова.