Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Татарстанда илкүләм проект буенча мәдәни учреждениеләрне яңартуга 370 млн сум юнәлдерелә
2025 елда Татарстанда «Гаилә» илкүләм проектының «Гаилә кыйммәтләре һәм мәдәният инфраструктурасы» федераль проекты гамәлгә ашырыла. Аның нигезендә чаралар үткәрүгә 371,16 миллион сум юнәлдереләчәк, дип хәбәр итә ТР Мәдәният министрлыгы матбугат хезмәте.
Төбәк һәм муниципаль китапханәләрне модернизацияләү кысаларында Мамадыш районындагы һәм Казанның Побежимов урамы 47нче йорт адресы буенча урнашкан 2 муниципаль китапханәгә капиталь ремонт ясалачак. Арча, Бөгелмә һәм Кукмара муниципаль районнарында 4 модель муниципаль китапханә төзеләчәк. Мамадыш һәм Кукмара муниципаль районнарында мәдәни-ял итү тибындагы учреждениеләрне модернизацияләү дә планлаштырыла.
2025 елда Биектау муниципаль районында С.Сәйдәшев исемендәге Балалар сәнгать мәктәбе филиалында, Кукмарада Бертуган Комаровлар фабрикасы конторасы бинасында (ХIX гасырның 70нче елларында эшмәкәр Николай Комаров яшәгән) һәм Кукмара районы Вахит авылындагы Яшь тамашачы театрында капиталь ремонт булачак.
Биләр дәүләт тарих, археология һәм табигать музей-тыюлыгы, Кукмара муниципаль районы Туган якны өйрәнү музее, Муса Җәлил исемендәге Татар академия дәүләт опера һәм балет театры һәм Аяз Гыйләҗев исемендәге Чаллы дәүләт татар драма театрында техник яктан җиһазлау эшләре көтелә.
«Гаилә» илкүләм проектының «Гаилә кыйммәтләре һәм мәдәният инфраструктурасы» федераль проектын тормышка ашыру кысаларында шулай ук авыл җирлеге территорияләрендә урнашкан муниципаль мәдәният учреждениеләренең иң яхшы хезмәткәрләренә барлыгы 3,3 миллион сум һәм авыл җирлеге территорияләрендә урнашкан иң яхшы мәдәният учреждениеләренә барлыгы 7,6 миллион сум күләмендә дәүләт ярдәме каралган.
«Узган ел бездә 166 миллиард сумлык социаль, мәдәни һәм инженерлык инфраструктурасының барлык төр объектлары төзелгән – мондый хәлнең булганы юк иде. Бу – илкүләм проектлар да, безнең республика проектлары да», – дип искәртте Татарстан Республикасы Рәисе Рөстәм Миңнеханов 2025 елның 3 мартында Россия Федерациясе Президенты Владимир Путин белән очрашуда.
Кызыклы яңалыкларны күзәтеп бару өчен Телеграм-каналга язылыгыз