Татарстанда ике машина бәрелешкәч, бер кеше һәлак булган, дүрт кеше имгәнгән
Авария бүген иртән Рус Акташы – Кузай автомобиль юлында булган.
(Казан, 19 февраль, «Татар-информ», Полина Шевчук). Татарстанда җиңел автомобиль һәм йөк машинасы катнашындагы авариядә бер кеше һәлак булган, дүртесе төрле тән җәрәхәтләре алган.
Аварияне күргән кешеләр «Татар-информ» агентлыгына хәбәр иткәнчә, юл һәлакәте бүген иртәнге унберләр тирәсендә Рус Акташы – Кузай автомобиль юлында Бута авылы янында булган.
Башлангыч мәгълүматлар буенча, «КИА» автомобилен йөртүче каршы як полосага чыккан һәм «КАМАЗ» машинасы белән кара-каршы бәрелешкән.
Шаһ итлар әйтүенчә, авариядә җиңел автомобильнең пассажиры — 40-45 яшьләр тирәсендәге хатын-кыз һәлак булган. Төрле тән җәрәхәтләре алган тагын дүрт кешене (алар арасында ике бала да бар) хастаханәгә озатканнар.
Авариянең сәбәпләре ачыклана.
