Татарстанда ике ай эчендә 350 кеше дару җитмәү турында прокуратурага зарланган
ТР прокуроры Илдус Нәфыйков билгеләп үткәнчә, беренче чиратта, тормыш өчен кирәкле даруларга бәйле проблемаларны хәл итү зарур.
Скопировать ссылку
(Казан, 22 гыйнвар, «Татар-информ», Гүзәл Хөсәенова). Татарстанда ике ай эчендә 350 кеше даруханәләрдә препаратлар җитмәвенә зарланып, прокуратурага мөрәҗәгать иткән. ТР прокуроры Илдус Нәфыйков күзәтү ведомствосының йомгаклау коллегиясендә шулай дип белдерде.
Күзәтү ведомствосы башлыгы искәрткәнчә, беренче чиратта, балалар һәм өлкән яшьтәге кешеләрнең тормыш өчен кирәкле дарулар белән тәэмин ителүенә бәйле проблеманы хәл итәргә кирәк.
«Мондый препаратларның күбесе бик кыйммәт. Кешеләр алдындагы бурыч тайпылышсыз үтәлергә тиеш», - диде Нәфыйков.