Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда икътисад өлкәсендә якынча 40 мең чит ил кешесе эшли
Республикага эшләргә күбесенчә Төркия, Кытай, Сербия, Черногория, Үзбәкстан, Таҗикстаннан киләләр.
(Казан, 7 октябрь, “Татар-информ”, Айгөл Шәйхлисламова). Татарстанда икътисад өлкәсендә 40 меңләп чит ил кешесе эшли. Бу хакта Татарстанның хезмәт, эш белән тәэмин итү һәм социаль яклау министры урынбасары Клара Таҗетдинова "Хезмәт мигрантларының социаль адаптациясенә һәм интеграциясенә комплекслы якын килү системасында юнәлеш бирү курслары”на багышланган түгәрәк өстәлдә әйтте.
“Икътисад өлкәсендә якынча 40 мең чит ил хезмәткәре эшли. Миграция учетына ел саен 172 мең кеше баса. Мигрантлар нигездә төзелеш өлкәсендә эшли. Болар визалы илләрдән килүчеләр: Төркия, Кытай, Сербия, Черногория. Визасыз илләрдән якынча 25-26 мең кеше эшли. Гадәттә Үзбәкстан, Таҗикстаннан киләләр”, - диде Клара Таҗетдинова.
Түгәрәк өстәлдә чит илләрдән килгән гражданнарга Татарстанда яраклашырга ярдәм итү өчен оештырылган курслар турында фикер алыштылар. Курсларны 2016-2019 елларда барлыгы 12 меңнән артык чит ил гражданы узган.
“Татарстанда Үзбәкстан гражданнары бик күп. Бигрәк тә студентлар күп, быел 1200дән артык студент укырга килде. Әлбәттә, без аларның хезмәт кырында булуларын телибез”, - диде Үзбәкстан республикасының Казандагы генераль консулы Фәриддин Насриев.
Кызыклы яңалыкларны күзәтеп бару өчен Телеграм-каналга язылыгыз