Татарстанда "Җиңү урманы" россиякүләм акциясе дәвам итә
Әлеге чара Бөек Ватан сугышында һәлак булган 27 миллион кешенең һәркайсы хөрмәтенә агач утырту максатында эшләнә.
(Казан, 3 октябрь, "Татар-информ"). Татарстан Республикасында "Җиңү урманы" россиякүләм акциясе дәвам итә. Бөек Ватан сугышында Җиңүнең 75 еллыгына багышланган проект "Яшел Россия" гомумроссия экологик иҗтимагый экологик хәрәкәте тарафыннан тормышка ашырыла. Бу турыда ТР УРман хуҗалыгы министрлыгы матбугат хезмәте хәбәр итте.
Акциянең төп максаты – Бөек Ватан сугышында һәлак булган 27 миллион кешенең һәркайсы хөрмәтенә агач утырту.
2019 елның 2 октябрендә "Җиңү урманы" россиякүләм акциясенә, Башкарма комитет һәм хәрби комиссариат вәкилләре белән берлектә, Тәтеш шәһәре мәктәпләренең яшь армиячеләре кушылды. Балалар һәм өлкәннәр шәһәрнең төньяк микрорайонында 20 тирәк үсентесе утырткан.
"Без кешеләргә сугыш, солдатларның батырлыгы турында искә төшерү өчен акциядә катнаштык. Ул бүтән беркайчан да кабатланмасын иде. Ә без утырткан агачлар ярдәмендә шәһәрдә матур булачак", – дип уртаклашты Тәтеш татар урта мәктәбе укучылары, апалы-сеңелле Кристина һәм Нина Кузнецовалар.