Авыл 11 август 2017 09:22

Татарстанда иң мул уңыш Нурлат районы кырларыннан җыеп алына

Республикада 444,1 мең тонна ашлык суктырып алган.

Скопировать ссылку

(Казан, 11 август, "Татар-информ"). Татарстанның Авыл хуҗалыгы һәм азык-төлек министрлыгы оператив мәгълүматларына караганда, 11 август көненә республикада 117,3 мең гектар мәйданнан бөртекле һәм кузаклы культуралар суктырып алынган. Бу пландагы мәйданның (1475,2 мең гектар) 7,9 процентын тәшкил итә.

Татарстан игенчеләре бу көнгә 444,1 мең тонна ашлык суктырып алган. Гектар уңышы 37,9 центнер тәшкил итә. Иң мул уңыш Нурлат районы кырларында. Биредә һәр гектардан уртача 56,3 центнер ашлык җыеп алына. Гектар уңышы буенча икенче-өченче урында Зәй (51,2 центнер) һәм Сарман (51,1 центнер) районнары бара.

#Урып-җыю

Сәхифәләр

Татарстанда иң мул уңыш Нурлат районы кырларыннан җыеп алына