Татарстанда җиңел машина юл кырыена төшеп капланган, имгәнүчеләр бар
Кичә кич Казан–Ульяновск юлында юл-транспорт һәлакәте булган.
Скопировать ссылку
(Казан, 6 ноябрь, «Татар-информ»). Татарстанда трассада җиңел машина юл кырыена төшеп капланган, зыян күрүчеләр бар. Бу хакта «Татар-информ»га шаһитлар хәбәр итте.
Кичә кич Казан-Ульяновск трассасында «Пежо» җиңел машинасы юлдан төшеп китеп капланган. Авария нәтиҗәсендә хатын-кыз зыян күргән, аны ашыгыч ярдәм машинасында хастаханәгә китергәннәр.
Һәлакәт сәбәпләре әлегә билгесез.
