Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда җиңел машина йөртүчесен һәм пассажирын 13 янгын часте "коткарган"
Гадәттән тыш хәлләр министрлыгы Бөгелмә районының Карабаш бистәсендә ярыш уздырган.
(Казан, 1 февраль, “Татар-информ”). Татарстанның көньяк-көнчыгышыннан дүртәр кешедән торган 13 команда ярышты. Бөгелмә районы Карабаш бистәсендәге 21нче янгын-коткару часте мәйданында юл-транспорт һәлакәте вакытында коткару эшләре буенча ярышларның беренче этабы узды. Бу хакта Россия Гадәттән тыш хәлләр министрлыгының Татарстан буенча матбугат хезмәтеннән хәбәр иттеләр.
Әлеге чара һәлакәткә тарыган кешеләргә ярдәм күрсәтү тәҗрибәсен арттыру, шулай ук янгын сүндерүчеләргә профилактика рәвешендә үткәрелгән.
Ярышларның беренче өлешендә Гадәттән тыш хәлләр министрлыгы хезмәткәрләренең теоретик белемнәрен тикшергәннәр, практик өлешендә командада катнашучыларның хезмәт күнекмәләре бәяләнгән.
Мисалда, һәлакәт вакытында машинада йөртүчесе һәм пассажиры кысылып кала. Янгын сүндерүчеләр зыян күрүчеләрне автомобильдән гидравлик корал ярдәмендә чыгарганнар.
Иң яхшы нәтиҗәне ярышларда инде берничә тапкыр чемпион булган 77нче янгын-коткару часте күрсәткән. 27нче янгын-коткару часте икенче урынны яулаган. Хуҗалар исә өченче урында.
Хәзер 77нче янгын-коткару часте отряд данын республика ярышларында яклаячак.
Кызыклы яңалыкларны күзәтеп бару өчен Телеграм-каналга язылыгыз