Татарстанда "Хоккей йолдызлары атнасы" узачак
Континенталь хоккей лигасы йолдызлары катнашында мастер-шоу һәм матчлар Казанда, Хатын-кызлар, Яшьләр хоккей лигасы уеннары Түбән Камада булачак.
(Казан, 28 март, “Татар-информ”, Алексей Анисимов). Континенталь хоккей лигасы (КХЛ) Татарстанда 2019 елда "Хоккей йолдызлары атнасы" үткәрәчәген раслады. Бу хакта КХЛның рәсми Twitter-аккаунтында хәбәр ителә.
Континенталь хоккей лигасы йолдызлары катнашында мастер-шоу һәм матчлар Казанда 19 һәм 20 гыйнварда узачак. Хатын-кызлар хоккей лигасы йолдызлары матчы һәм Яшьләр хоккей лигасы кубогына уен Түбән Камада 12 һәм 13 гыйнварда була.
“Татар-информ” КХЛ “йолдызлы уикенды” Хельсинкида булырга тиеш, әмма чыгымнар зур булу сәбәпле, аны Татарстанга күчерделәр, дип хәбәр иткән иде.
Неделя звезд хоккея 2019 пройдет в Татарстане! #KHLAllStar pic.twitter.com/eOUhuVzQeH
— КХЛ (@khl) 28 марта 2018 г.