Җәмгыять 5 март 2010 16:50

Татарстанда химик матдәләр белән 107 кеше агуланган

Токсикологик мониторинг нәтиҗәләре күрсәткәнчә, 26 февраль- 4 март көннәрендә Татарстанда химик матдәләр белән агулануның 107 очрагы теркәлгән

Скопировать ссылку

(Казан, 5 март, «Татар-информ»). Токсикологик мониторинг нәтиҗәләре күрсәткәнчә, 26 февраль- 4 март көннәрендә Татарстанда химик матдәләр белән агулануның 107 очрагы теркәлгән. Алар арасыннан 46 кеше – исерткеч эчемлекләр һәм ялган аракы, 9 кеше – наркотиклар, 31 кеше - дару препаратларын, 21 кеше башка матдәләр кулланып агуланган.
Химик матдәләр белән агуланучылар арасында 73 ир-ат һәм 34 хатын-кыз, шул исәптән 14 бала һәм яшүсмер булган. 20 кеше агуланып үлгән. 27 кеше агулы матдәләрне – даруханәләрдә, 28 кеше – кибетләрдә һәм 1 кеше рөхсәтсез сату урыннарында сатып алган, дип хәбәр итә кулланучылар хокукларын яклау һәм кеше иминлеге өлкәсендә күзәтчелек итү буенча Федераль хезмәтнең Татарстандагы идарәсе матбугат хезмәте.

Сәхифәләр

Татарстанда химик матдәләр белән 107 кеше агуланган