Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда хезмәт хаклары түләмәү буенча ярты ел эчендә 32 җинаять эше кузгатылган
Тикшерү идарәсе хезмәт хакы буенча 40 миллионнан артык бурычны кайтарырга булышкан.
(Казан, 12 июль, “Татар-информ”, Надежда Гордеева). Татарстанда хезмәт хаклары түләмәү буенча ярты ел эчендә 32 җинаять эше кузгатылган. Бу хакта бүген Татарстан Хезмәт, халыкны эш белән тәэмин итү һәм социаль яклау министрлыгы коллегиясе утырышында Россия Тикшерү комитетының Татарстан буенча Тикшерү идарәсе оештыру-контроль бүлеге җитәкчесе урынбасары, юстиция подполковнигы Антон Алборов хәбәр итте.
“Безнең бу эшкә катнашуыбыз аркасында хезмәткәрләргә 40 млннан артык бурыч кайтарылды”, - диде ул.
Аның сүзләренчә, быел алты ай эчендә хезмәт хаклары бурычлары түләнү сәбәпле, тикшерү барышындагы алты җинаять эше туктатылган. “Шул ук вакытта хезмәткәрләргә түләнәсе бурыч шактый әле”, - диде Алборов.
Быел җитештерү өлкәсендә җәрәхәтләр алу факты буенча 43 җинаять эше кузгатылган.
Кызыклы яңалыкларны күзәтеп бару өчен Телеграм-каналга язылыгыз