Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда Гражданнарны аварияле торактан күчерү программасы 2023 елда тәмамлана
Татарстанда Гражданнарны аварияле торак фондыннан күчерү программасы кысаларында чаралар дәвам итә. Аны 2023 ел ахырына кадәр гамәлгә ашырырга кирәк. Бу хакта Татарстан Хөкүмәте Йортында киңәшмәдә төзелеш, архитектура һәм торак-коммуналь хуҗалык министры Марат Айзатуллин искәртте.
Программа буенча республиканың 10 районы территориясендә 102 бинага (гомуми мәйданы 4 мең кв метрга якын) гражданнарны урнаштырырга кирәк.
Шулай ук Марат Айзатуллин күп фатирлы торак йортларны капиталь ремонтлау программасына әзерлек турында хәбәр итте. 2023 елда бу программага 716 объект кергән, аларның гомуми мәйданы 4 млн 360 мең кв метр тәшкил итә. Программаны гамәлгә ашыруга 6 млрд 198 млн сум сарыф итү планлаштырыла.
Бүген 84 йортта 219 лифтны алмаштыруга һәм 46 йортта төзелеш-монтаж эшләре башкаруга сәүдә узды.
Моннан тыш, төзелеш, архитектура һәм торак-коммуналь хуҗалык министры Марат Айзатуллин аукцион узган федераль һәм республика программалары буенча эш барышы турында хәбәр итте.
Барлык муниципаль районнар белән видеоконференцэлемтә режимындагы киңәшмәне Татарстан Президенты Рөстәм Миңнеханов үткәрде.
Кызыклы яңалыкларны күзәтеп бару өчен Телеграм-каналга язылыгыз