Татарстанда ферма түбәсен ремонтлаганда 64 яшьлек эшче һәлак булган
Скопировать ссылку
Бүген көндез Татарстанның Балтач районында «Якты юл» яшелчә-сөт фермасы бинасының түбәсен ремонтлау вакытында 64 яшьлек эшче түбәдән егылып төшкән һәм вакыйга урынында ук һәлак булган.
Фаҗига урынына Балтач районы прокуроры Илдар Гайнуллин килгән.
Эш бирүченең хезмәтне саклау турындагы закон таләпләрен үтәве буенча тикшерү оештырылган. Тикшерү барышы район прокуратурасы контроленә алынган.
Фото: © Татарстан прокуратурасы