Җәмгыять 25 гыйнвар 2017 10:45

Татарстанда эшсезлекне киметү буенча соңгы 20 елда иң яхшы күрсәткечкә ирешелгән

Республика Хезмәт, халыкны эш белән тәэмин итү һәм социаль яклау министрлыгы узган елга нәтиҗәләр ясый

Скопировать ссылку

(Казан, 25 гыйнвар, "Татар-информ", Лилия Локманова). Идел буе федераль округы белән чагыштырганда, Татарстанда эшсезлек 0,7 процентка кимрәк. Узган ел республикада эшсезлек 3,8 процент булса, Идел буе округында бу сан 4,5 процент тәшкил итә. Бу соңгы 20 елда иң яхшы күрсәткеч. Россия буенча теркәлгән эшсезләр күләме исә 5,3 процент исәпләнә. Бу хакта бүген коллегия утырышында Татарстан хезмәт, халыкны эш белән тәэмин итү һәм социаль яклау министры Эльмира Зарипова хәбәр итте.

Чара министрлыкның 2016 елдагы эшчәнлегенә нәтиҗә ясауга багышланган иде. Анда Татарстан Премьер-министры Илдар Халиков, Татарстан Дәүләт Советы Рәисе урынбасары Римма Ратникова, Россия Федерациясенең хезмәт һәм социаль яклау министры урынбасары Андрей Пудов һ.б. рәсми затлар катнаша.

#Татарстан хезмәт #халыкны эш белән тәэмин итү һәм социаль яклау министры Эльмира Зарипова

Сәхифәләр

Татарстанда эшсезлекне киметү буенча соңгы 20 елда иң яхшы күрсәткечкә ирешелгән