Җәмгыять 5 август 2018 14:45

Татарстанда эшлекле сәфәр белән Томск өлкәсе делегациясе булачак

Томскилылар IX халыкара махсуслашкан “Авиакосмик технологияләр, заманча материаллар һәм җиһазлар” күргәзмәсендә катнашачаклар.

Скопировать ссылку

(Казан, 5 август, “Татар-информ”). 5 августтан 10 августка кадәр Томск өлкәсе делегациясенең Татарстанга эшлекле сәфәре булачак. Бу хакта Татарстан Сәнәгать министрлыгы хәбәр итә.

Делегацияне Томск өлкәсенең сәнәгать сәясәте буенча губернатор урынбасары Игорь Шатурный җитәкләячәк. Делегация составына хөкүмәтнең башкарма органнары һәм төбәк предприятиеләре вәкилләре кергән.

Томскилылар IX халыкара махсуслашкан “Авиакосмик технологияләр, заманча материаллар һәм җиһазлар” күргәзмәсендә , шулай ук авиаҗитештерүчеләрнең IV Съездында “Россия авиакосмик өлкәсенең яңа технологияләр, материаллар һәм җиһазлар” Россия һәм Бөтенроссия фәнни-гамәли конференциясендә катнашачаклар.

Шулай ук делегация әгъзалары Татарстан вәкилләре белән сәнәгать һәм урман хуҗалыгы тармагында хезмәттәшлек турында сөйләшәчәкләр.

#Томск #күргәзмә

Сәхифәләр

Татарстанда эшлекле сәфәр белән Томск өлкәсе делегациясе булачак