Хәвеф-хәтәр 23 сентябрь 2014 21:21

Татарстанда эшче үлеме буенча тикшерү үткәрелә

Электр тапшыру линиясе җиһазларын алмаштырган вакытта, бер электрчы шунда ук үлгән, икенчесе хастаханәгә озатылган

Скопировать ссылку

(Казан, 23 сентябрь, «Татар-информ»). Кичә, 22 сентябрьдә, ТРның Аксубай районы Якты авылы янында "Старт-Сервис" ЯАҖ подряд оешмасы хезмәткәрләре электр тапшыру линиясе җиһазларын алмаштырган. Эшләр тәмамлангач, аларның берсе линиядән ике чакрым читтә урнашкан рубильник янына киткән, ул, телефоннан шалтыратканнан соң, ток бирергә тиеш булган. Әмма, хезмәттәшләренә шалтыратмыйча, ир-ат рубильникны тоташтырган. Нәтиҗәдә, ике электрчыны ток бәргән. Берсе шунда ук һәлак булган, икенчесе хастаханәгә озатылган.

Әлеге очрак буенча тикшерү башланган. Бу вакыйганың бөтен нечкәлекләрен ачыклауга юнәлдерелгән чаралар үткәрелә. Тикшерү нәтиҗәләре буенча процессуаль карар кабул ителәчәк, дип хәбәр итә РФ Тикшерү комитетының ТР буенча тикшерү идарәсе матбугат хезмәте.

Сәхифәләр

Татарстанда эшче үлеме буенча тикшерү үткәрелә