news_header_top
16+
news_header_bot
news_top

Татарстанда җепшек кар, яңгыр явачак һәм 1 градуска кадәр җылылык көтелә

Бүген Татарстанда һава торышы тотрыксыз булачак. Бу хакта ТР Гидрометеорология үзәге хәбәр итә.

Республика территориясендә алмашынучан болытлы һава көтелә. Көнбатыш районнарда, шулай ук Казанда, көндез урыны белән җепшек кар һәм яңгыр явуы көтелә. Шулай ук бозлавык булырга мөмкин.

Җил көньяктан, секундына 5-10 метр тизлектә исәчәк, урыны белән аның тизлеге 14 метрга кадәр көчәячәк (шул исәптән Казанда да).

Юлларның аерым участокларында бозлавык барлыкка килә.

Татарстанда көндезге сәгатьләрдә һава -2..+1 градус тәшкил итәчәк (республика башкаласында -1..+1 градус).

news_right_1
news_right_2
news_bot