Җәмгыять 13 ноябрь 2014 21:43

Татарстанда эндокрин авыруларны профилактикалау буенча ункөнлек узачак

Шикәр чиренә каршы ункөнлек сәламәт яшәү рәвеше һәм туклануның әһәмияте турында хәбәрдарлыкны арттыруга юнәлдерелгән.

Скопировать ссылку

(Казан, 13 ноябрь, “Татар-информ”). Татарстанда 14-23 ноябрь көннәрендә эндокрин авыруларны, шул исәптән шикәр чирен, профилактикалау буенча ункөнлек узачак. Иртәгә, 14 нче ноябрь – Бөтендөнья шикәр чиренә каршы көрәш көне “Сәламәт туклану һәм шикәр чире” шигаре астында узачак. Бу хакта ТР Сәламәтлек саклау министрлыгы хәбәр итә.

Эндокрин патологияләр арасында шикәр чире таралышы ягыннан беренче урында тора – ул барлык эндокрин авыруларның яртысыннан артык өлешен тәшкил итә. Һәр 10-15 ел саен шикәр чире белән авыручылар саны ике мәртәбә арта бара.

Бөтендөнья сәламәтлек саклау оешмасы мәгълүматлары буенча, авыручанлык барлык халыкның 1,8 процентыннан 10-12 процентка кадәр тирбәлә. Үсеш алган илләрдә бу чир белән авыру күп тапкырга артык.

Сәхифәләр

Татарстанда эндокрин авыруларны профилактикалау буенча ункөнлек узачак