Татарстанда, елганы плотинадан чистартып, өйләрне су басудан саклап калганнар
Елганың ярларыннан ташып чыгу ихтималы турында шаһитлар хәбәр иткән.
Скопировать ссылку
(Казан, 9 август, «Татар-информ», Наталия Никифорова). Татарстанда, елганы кондызлар ясаган плотинадан чистартып, өйләрне су басудан саклап калганнар. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Кичә 10.53 сәгатьтә 112 бердәм номерына республиканың Бөгелмә районында кондызлар плотина ясау аркасында елгада су күтәрелүе һәм йортларны су басу куркынычы хакында хәбәр килгән.
64нче янгын-коткару часте хезмәткәрләре, елганы агачлардан чистартып, йортларны су басудан саклап калган.