Икътисад 8 октябрь 2014 15:15

Татарстанда электр энергиясен куллану күләме арткан

Сентябрьдә, 2013 елның шул ае белән чагыштырганда, ТР энергия системасында куллану күрсәткече 0,1 процентка арткан

Скопировать ссылку

(Казан, 8 октябрь, «Татар-информ»). Сентябрьдә, 2013 елның шул ае белән чагыштырганда, ТР энергия системасында куллану күрсәткече 0,1 процентка арткан. “Бердәм энергетика системасы” системалы операторы ААҖ филиалы “Татарстан Республикасы Төбәк энергосистемасы диспетчерлык идарәсе” мәгълүматларына караганда, 2014 ел сентябрендә, узган елның шул чоры белән чагыштырганда, ТР энергосистемасы электр станцияләре электр энергиясен 18,4 процентка арттырып эшләп чыгарган.

2014 елның беренче 9 аенда республика энергосистемасында электр энергиясе кулланылышы 2013 елның гыйнвар-сентябрь күрсәткечләреннән 0,6 процентка артык.

Быел гыйнвар-сентябрьдә Татарстан энергосистемасы электр станцияләре 16 млрд. 163 млн кВт/сәг электр энергиясе эшләп чыгарган, бу, узган елның шул чоры белән чагыштырганда, 6,2 процентка кимрәк.

Сәхифәләр

Татарстанда электр энергиясен куллану күләме арткан