Авыл 7 октябрь 2009 18:55

Татарстанда ел саен 5 мең тоннага кадәр күркә ите җитештереләчәк

Яшел Үзән районының “Марс” крестьян–фермер хуҗалыгы Татарстанның акчалата ярдәм күрсәтелүче инвестиция проектлары исемлегенә кертелде

Скопировать ссылку

(Казан, 7 октябрь, “Татар–информ”, Ирина Игнатьева). Татарстанда ел саен 5 мең тоннага кадәр күркә ите җитештереләчәк. Яшел Үзән районының “Марс” крестьян–фермер хуҗалыгы акчалата ярдәм күрсәтелүче инвестиция проектлары исемлегенә кертелде. Бу хакта “Татар–информ” агентлыгына “Татптицепром” ААҖ генераль директоры Марс Алиев хәбәр итте.
“Марс” крестьян–фермер хуҗалыгы инвестиция проектларын сайлап алу буенча РФ конкурс комиссиясенә бизнес–план тәкъдим итте. Проект аның авторлары тарафыннан расланды. Конкурс комиссиясе аны елына 5 мең тонна күләмендә күркә ите җитештерү буенча Татарстанның акчалата ярдәм күрсәтелүче инвестиция проектлары исемлегенә кертте.
Хәзерге вакытта 411 миллион сум күләмендә кредит ресурслары алу максатыннан документлар рәсмиләштерелә. Әлеге акчаларга “Марс” крестьян–фермер хуҗалыгы урнашкан Осиново бистәсендә яңа инкубатор, күркә үстерү цехлары төзү күздә тотыла.

Сәхифәләр

Татарстанда ел саен 5 мең тоннага кадәр күркә ите җитештереләчәк