Җәмгыять 10 август 2017 20:06

Татарстанда "Ел рестораны"н сайлаячаклар

Йомгаклау һәм тантаналы бүләкләү чарасы 27 октябрьдә узачак.

Скопировать ссылку

(Казан, 10 август, «Татар-информ», Наталья Рыбакова). Tatarstan Top Hotels & Restaurants Award икенче республика премиясе 10 августта башлана. Аның йомгаклары буенча иң яхшы кунакханә, ресторан, кофейня, пиццерия һәм республиканың башка оешмалары билгеле булачак.

«Бәйгедә җиңү акчалата бүләкләүне күздә тотмый. Бу бары тик имидж чарасы гына. Катнаушчылар билгеле бер статус һәм дипломнар алачак. Җиңүчеләрнең исемлеге сайтка һәм мәгълүмати такталарга урнаштырылачак. Кунакханә һәм рестораннар республиканың алга алып бара торган маркетинг планына кертеләчәк», – дип хәбәр итте «Татар-информ»да узган матбугат конференциясендә Татарстанның Туризмны үстерү үзәге җитәкчесе Оксана Саргина.

Ярышта барлыгы 60 кунакханә оешмасы һәм 40 җәмәгать туклану предприятиесе катнаша. Йомгаклау һәм тантаналы бүләкәләү 27 октябрьдә узачак. Җиңүчеләргә «Ел рестораны», «Ел пешекчесе», «Кунакханә каршындагы иң яхшы ресторан», «Иң яхшы кунакханә», «Ел меценаты» һәм башка номинацияләр буенча дипломнар тапшырылачак.

#Сергей Иванов #татар аш-су #туризм

Сәхифәләр

Татарстанда "Ел рестораны"н сайлаячаклар