Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда ел башыннан тавык ите һәм йомырка җитештерү арткан
Кош итенең бер түшкәсенең уртача бәясе килограммы өчен 126 сум 2 тиен, бер дистә йомырка 43 сум 45 тиен тора.
(Казан, 15 август, “Татар-информ”). Татарстанның авыл хуҗалыгы оешмаларында һәм крестьян-фермер хуҗалыкларында гыйнвардан июльгә кадәр 119,2 мең тонна кош ите җитештерелгән. Бу узган елның шушы чоры белән чагыштырганда 3 процентка артык. Бу хакта Татарстан Авыл хуҗалыгы һәм азык-төлек министрлыгы матбугат хезмәте хәбәр итә.
Барлык категорияле хуҗалыкларда йомырка җитештерү 12,3 процентка арткан һәм ул 801,9 млн данәне тәшкил итә.
“Кош итен җитештерүнең артуы инвестиция компанияләре һәм фермер хуҗалыклары эшчәнлеге хисабына артты”, диелгән әлеге хәбәрдә.
Кош итенең бер түшкәсенең уртача бәясе килограммына 126 сум 2 тиен, бер дистә йомырка 43 сум 45 тиен тора. Узган елның шушы чоры белән чагыштырганда ит 10 сум 2 тиенгә артык, ә йомырка бәясе үзгәрмәгән.
Кызыклы яңалыкларны күзәтеп бару өчен Телеграм-каналга язылыгыз