Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда дүртенче көн рәттән коронавирус белән авыручылар саны арта
Татарстанда коронавирус белән авыручыларның теркәлгән саны арта бара. Бүген 94 кешедә Covid-19 расланган. Кичә 89 кешедә, 9 февральдә 83 кешедә, 8 февральдә 78 кешедә расланган булган. Стопкоронавирус.рф порталы мәгълүматлары шуны күрсәтә.
54 кешене хастаханәдә дәваларга кирәк булган, бер көн алдан хастаханәләргә 47 кеше китерелгән. Пандемия башланганнан бирле коронавирус белән 196 121 татарстанлы зарарланган.
Шул ук вакытта республиканың 192 473 кешесе сәламәтләнгән, шул исәптән җиде кеше – соңгы тәүлектә.
Республикада рәсми рәвештә Covid-19 чиреннән үлүчеләрнең гомуми саны элеккечә – 2010. Соңгы тапкыр үлем турында мәгълүмат 20 гыйнварда урнаштырылды.
Россия буенча коронавирус белән зарарланучылар саны бер көндә 12 845 кешегә җиткән. 8258 пациент сәламәтләнгән. 1391 авыру Covid-19 белән хастаханәгә салынган. Бу авырудан үлгән 36 кеше рәсми теркәлгән.
Кызыклы яңалыкларны күзәтеп бару өчен Телеграм-каналга язылыгыз