Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда дуңгыз итенә уртача бәя 20 процентка кимегән
Бу хакта Россия авыл хуҗалыгы министры Николай Федоров хәбәр итте
(Казан, 14 ноября, «Татар-информ»). Азык-төлеккә эмбарго шартларында Россиянең кайбер хуҗалыклары бәяләрне киметүгә ирешкән, дип белдерде РФ авыл хуҗалыгы министры Николай Федоров уртача бәяләр мониторингы буенча.
Искәртеп узабыз: 11 августтан башлап Россия Авыл хуҗалыгы министрлыгы көн саен уртача бәяләргә мониторинг үткәрә.
"Безнең мониторинг 11 августтан 12 ноябрьгә кадәр дуңгыз итенә бәяләр төшүне күрсәтте. Ил буенча уртача алганда, аңа уртача хак 0,8 процентка төшкән. Ә Воронеж, Курск, Липецк, Пенза, Сарытау өлкәләре һәм Татарстанда уртача бәяләр 20 проценттан артыкка кимегән", - дип ассызыклады РФ авыл хуҗалыгы министры.
Федоров сүзләренчә, әлеге вакыт аралыгында кишер 19,2, кәбестә 6,5, бәрәңге 6,7, суган 2,4 процентка арзанайган. "Алма бәясе 10,3 процентка төшкән", - дип билгеләп үтте ул.
Мониторинг шулай ук балык базарындагы бәяләр кимегәнне дә күрсәткән. Әйтик, чистартылмаган туң балык 10,2, кылчыклары алынган балык 6,8, тере балык 1,1 процентка арзанайган.
Шул ук вакытта министр кайбер башка продукцияләр буенча хаклар күтәрелүне дә таныды. Мисалга, шул ук вакыт аралыгында авыл хуҗалыгы товарлары җитештерүчеләр сыер ите бәясен 3,9 процентка, сөтне 2,3, сырларны 3,1, майлылык дәрәҗәсе 82,5 тәшкил иткән атланмайны 1,6 процентка арттырган. Тавык түшкәсен дә 3,7 процентка кыйммәткәрәк алырга туры килә.
Кызыклы яңалыкларны күзәтеп бару өчен Телеграм-каналга язылыгыз