Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда донорлык буенча коммерциягә нигезләнмәгән оешманың Координацион советы төзелә
Аның эшчәнлегенә караган чараларның кайберләре хәзердән үк билгеле
(Казан, 17 ноябрь, «Татар-информ», Миләүшә Низаметдинова). Татарстанда донорлык буенча коммерциягә нигезләнмәгән оешманың Координацион советы төзеләчәк. Һәрхәлдә, ТР Сәламәтлек саклау министрлыгының Республика кан салу станциясе һәм республиканың яшьләр берләшмәләре әгъзалары белән кичә үткәрелгән очрашуда шул хакта килешенгән. «Үз иреге белән кан бирүне җәелдерү программасы»ның оештыру комитеты вәкиле Оскар Сәмигуллин «Татар-информ» хәбәрчесенең сорауларына җавабында шәрехләгәнчә, әлеге очрашуда «Мы...» яшьләр хәрәкәте, 2013 ел Универсиадасы волонтерлар хәрәкәте, «КДУ – мәрхәмәтле кешеләр планетасы»/«КГУ – планета добрых людей» үзәге, яшьләренең «Буревестник» физкультура-спорт җәмгыяте, Яшь галимнәр һәм белгечләр хәрәкәте, Казан волонтерлар советы, Казан дәүләт архитектура һәм төзелеш академиясе волонтерлар отряды әйдәп баручылары катнашкан.
Утырыш нәтиҗәсе буларак, Татарстанда донорлык буенча коммерциягә нигезләнмәгән оешманың Координацион советын төзү турында килешенде, бу исә Татарстан һәм аның башкаласы Казанда донорлык хәрәкәтен җәелдерү буенча республикадагы волонтерлык оешмалары көчләрен берләштерергә мөмкинлек бирәчәк, донорларны табу һәм актив рәвештә ярдәм күрсәтергә җәлеп итү эшен дә системага салырга кирәк булачак. Яңа барлыкка киләчәк Координацион совет эше иҗтимагый оешмалар әгъзалары өчен уку-өйрәнү семинарыннан башланырга тиеш, ул исә Республика кан салу станциясе базасында үтәчәк һәм «Үз иреге белән кан бирүне җәелдерү программасы»н гамәлгә ашыруда волонтерларның ярдәмгә керешүендә беренче адым булачак, дип сөйли О.Сәмигуллин.
«Үз иреге белән донор булу – үсештәге гражданлык җәмгыяте күрсәткече. Бүген Россиядә 1 мең кешенең 14е генә донор, шул ук вакытта үсештәге илләрдә бу сан 35-50гә җиткән», - дип, О.Сәмигуллин соңгы 2 дистә елда күзәтелгән мондый хәлне игътибарсыз калдырырга ярамый дигән фикерен җиткерә.
Кызыклы яңалыкларны күзәтеп бару өчен Телеграм-каналга язылыгыз