Җәмгыять 6 сентябрь 2022 17:16

Татарстанда даруларга, транспортта йөрүгә, тәрбиягә алган балалар өчен субсидияләр арта

Скопировать ссылку

2023 елда Татарстанда айлык социаль түләүләрне яңа коэффициент буенча индексациялиләр – ул 1,061 тәшкил итәчәк. Халыкның төрле категорияләренә түләүләр күләме 581 сумнан 11900 сумга кадәр булачак. Татарстанның премьер-министры Алексей Песошин имзалаган карарда шуның турында язылган.

Субсидияләрне бүлүгә Татарстан Республикасының Хезмәт министрлыгы җаваплы. Хезмәт ветераннарына һәм дәүләт бүләкләре булган кешеләргә ай саен 581 сум түләү каралган. Ата-ана тәрбиясеннән мәхрүм калган һәм гаиләгә тәрбиягә бирелгән ятим балаларга – 10326 сум (мәктәпкәчә яшьтәге балаларга 11907 сум). Моннан тыш, ятим балаларга транспортта йөрүгә – 354 сум, пенсионерларга 581 сум күләмендә субсидия биреләчәк. Ялгыз аналарга ай саен 1014 сум акча түләнә.

Искәртеп узабыз, апрель азагында Россия Федерациясе Президенты Владимир Путин минималь хезмәт хакы, пенсия һәм пособиеләрне арттыруны эшләргә кушты. Шуңа бәйле рәвештә 1 июньнән Россиядә эшләмәүче пенсионерларга пенсияләрне 10 процентка арттырдылар, шулай ук минималь хезмәт хакы һәм яшәү минимумы 10 процентка артты.

Сәхифәләр

Татарстанда даруларга, транспортта йөрүгә, тәрбиягә алган балалар өчен субсидияләр арта