Җәмгыять 30 ноябрь 2018 15:57

Татарстанда даруханәләрдә сату өчен ВИЧны ачыклый торган тестлар булдырылачак

Тестны теләсә кайсы даруханәдән һәр теләгән кеше сатып алырга мөмкинлек тудырылыр дип көтелә.

Скопировать ссылку

(Казан, 30 ноябрь, «Татар-информ», Белова Валерия). Татарстанның медицина вәкилләре йөклелекне ачыклый торган заманча тестларга охшатып, ВИЧны тикшерә торган тест ясарга планлаштыра. Бу турыда бүген «Татар-информ»да матбугат конференциясендә республиканың СПИДны кисәтү һәм аңа каршы көрәш үзәге баш табибы Нияз Галиуллин сөйләде.

«Бу атнада Мәскәүдә ВИЧ-инфекция буенча белгечләр форумы узды. Яңа төрле тестны узу элеккеләреннән күпкә гадирәк булачак. Бүген тестка кадәр консультация алырга, аннан тест үтәргә, аннан соң тагын консультация каралган. Хәзер кайбер төбәкләр, шул исәптә без дә, һәр кеше тиз генә үзе тест үтә алырлык ысул булдырырга планлаштыра. Ул, мәсәлән, хатын-кызның йөклелеген тикшерү тесты кебек эшләнеләчәк, алар даруханәләрдә сатылачак», — диде Нияз Галиуллин.

Тест тартмасында аны куллану турында күрсәтмә дә булачак.

#ВИЧ

Сәхифәләр

Татарстанда даруханәләрдә сату өчен ВИЧны ачыклый торган тестлар булдырылачак