Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда Дәүләт Киңәшчесе дигән вазифа барлыкка киләчәк
Бу вазифага Татарстан Республикасының беренче Президенты вәкаләтләрен үтәүне туктаткан зат билгеләнеп куела
(Казан, 4 март, “Татар-информ”, Римма Гатина). Татарстанда Дәүләт Киңәшчесе дигән вазифа барлыкка киләчәк. Яңа вазифаны гамәлгә куюга бәйле “Татарстан Республикасы Дәүләт Киңәшчесе турында” ТР закон проекты ТР Дәүләт Советының Дәүләт корылышы һәм җирле үзидарә комитеты һәм парламентның Законлылык һәм хокук тәртибе комитеты тарафыннан закон чыгару иницитивасы тәртибендә кертелә. Закон проектыннан күренгәнчә, бу вазифага Татарстан Республикасының беренче Президенты вәкаләтләрен үтәүне туктаткан зат билгеләнеп куела.
“Татарстан Республикасы Дәүләт Киңәшчесе” ТР закон проекты ТР Дәүләт Киңәшчесенең статусын, аны вазифасына билгеләп кую һәм вазифасыннан азат итү тәртибен, аның компетенциясен, эшчәнлеген оештыру рәвешен һәм шартларын, төп бурычларын һәм хокукларын билгели. Дәүләт киңәшчесенең төп бурычларыннан берсе ТР дәүләт хакимияте органнарына вәкаләтләрен нәтиҗәле гамәлгә ашыруда ярдәм итүдән гыйбарәт булачак.
Проектта ТР Дәүләт Киңәшчесенең Татарстан Республикасы дәүләт вазифасына һәм ТР дәүләт граждан хезмәте вазифасына карамавы күздә тотыла. Фәрит Мөхәммәтшин хәбәр иткәнчә, Дәүләт Киңәшчесе үз эшчәнлеген түләүсез нигездә гамәлгә ашырачак. “Татарстанның гамәлдәге Президенты Минтимер Шәймиевнең күпьеллык тәҗрибәсен, абруен, аның ризалыгы белән, республика мәнфәгатьләре өчен файдалану зарурлыгы берәүдә дә шик уятмый дип уйлыйм”, - диде бүген бу нисбәттән журналистларга Татарстан парламенты башлыгы Фәрит Мөхәммәтшин. Бу хактагы закон проекты киләсе сессиянең көн тәртибенә кертелә.
Кызыклы яңалыкларны күзәтеп бару өчен Телеграм-каналга язылыгыз