Татарстанда чүп яндыру заводы төзелеше өчен җиһаз кайтару мәсьәләсе хәл ителә

«Татарстан үзенә алган йөкләмәләрне үтәде. Якындагы ике-өч атна эчендә инвестор ягыннан да, республика ягыннан да барлык йөкләмәләр расланган документ имзаланачак», - диде Алексей Песошин.

Скопировать ссылку

Татарстанда чүп яндыру заводы төзелеше өчен Швейцарияң һәм Япония җиһазлары белән тәэмин итү мәсьәләсе хәл ителә.

Бу хакта ТР Дәүләт Советының 31 нче утырышында Татарстан Премьер-министры Алексей Песошин әйтте.

Депутат Николай Атласов Яшел Үзән районында чүп калдыкларын яндыру заводы төзелеше турында сорау бирде. «Ростех» корпорациясе һәм аның бүлендек структуралары санкциягә эләкте. Проект Швейцария-Япония компаниясе технологиясе буенча эшләнгән. Технологияләрне алып булмаса, проект файдасыз буламы? Бу завод төзелешенә тәэсир итәчәкме?» – дип сорады.

«Татарстан үзенә алган йөкләмәләрне үтәде. Якындагы ике-өч атна эчендә инвестор ягыннан да, республика ягыннан да барлык йөкләмәләр расланган документ имзаланачак», - дип җавап бирде Алексей Песошин.

«Инвестор үз ягыннан 1 млрд сум акча кертте, Zosen Hitachi технологиясе буенча февральгә кадәр җиһаз кайтару турында килешкән булган. Хәзер бу хәлдән чыгу юлларын эзләү бара», - диде Премьер-министр.

Ул милеккә, керемгә салым буенча ташламалар бирелгәнен, инфраструктура төзелеше кертелгәнен, җир алу мөмкинлеге бирелгәнен, заводка бару юлы төзелгәнен искәртте.

Сәхифәләр

Татарстанда чүп яндыру заводы төзелеше өчен җиһаз кайтару мәсьәләсе хәл ителә