Татарстанда Covid-19 инфекциясе белән зарарлануның 29 яңа очрагы расланды
Тәүлек эчендә республикада «коронавирус инфекциясе» диагнозы булган 38 кеше терелде.
(Казан, 18 июль, «Татар-информ», Эвелина Киселева). Татарстанда тәүлек эчендә яңа коронавирус Совид-19 инфекциясе белән зарарлануның 29 очрагы теркәлгән. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның ТР буенча идарәсе башлыгы урынбасары Любовь Авдонина сөйләде.
«Узган тәүлек эчендә 29 очрак теркәлде. Барлыгы 5 мең 189 очрак булды, 100 мең кешегә 138,9 күрсәткеч тәшкил итә», - дип хәбәр итте спикер.
Аның сүзләренчә, белгечләр бер тәүлек эчендә яңа коронавируска 5 мең 270 тест үткәрелгән. Контактлы юл белән инфекция йоктырган 1182 кеше һәм соңгы 14 көндә чит илдән кайткан 90 кеше күзәтү астында кала.
ТР сәламәтлек саклау министры урынбасары Владимир Жаворонков, тәүлек эчендә 38 татарстанлы коронавирустан дәваланды, дип өстәде.